Ուկրաինայի Զինված ուժերի բարձրաստիճան սպաներ են զոհվել Զապորոժիեում. WP 

Զապորոժիեի շրջանում 128-րդ լեռնա-գրոհային բրիգադի զինվորականների պարգևատրման արարողության ժամանակ հրթիռային հարվածի հետևանքով սպանվել են ուկրաինական բանակի մի քանի բարձրաստիճան զինվորականներ։ Այս մասին հայտնում է The Washington Post (WP) թերթը։

«Արարողությունը վերածվել է արյունահեղության: Հրթիռային հարձակման արդյունքում զոհվել է առնվազն 19 զինվոր, այդ թվում՝ մի քանի բարձրաստիճան սպաներ և 128-րդ բրիգադի լավագույն մարտիկները»,- ասվում է նյութում։

WP-ի նախնական տեղեկություններով՝ պարգևատրման արարողությանը ներկա է եղել մոտ հարյուր զինվորական։ Դեպքից հետո անմիջապես դեպքի վայր են ժամանել բժիշկները։ Նրանց խոսքով՝ իրենք նման բան չեն տեսել 2022 թվականի փետրվարի 24-ից հետո։