ՀՀ գործերի ժամանակավոր հավատարմատարը կանչվել է ՌԴ ԱԳՆ

Հոկտեմբերի 25-ին Մոսկվայում Հայաստանի գործերի ժամանակավոր հավատարմատարը կանչվել է ՌԴ ԱԳՆ, նրան մատնացույց են արել Ռուսաստանի դեմ հայկական լրատվամիջոցների օդիոզ հրապարակումները։ Այս մասին ճեպազրույցում հայտարարել է ԱԳՆ պաշտոնական ներկայացուցիչ Մարիա Զախարովան։ Հոկտեմբերի 24-ին Երևանում ՌԴ դեսպան Սերգեյ Կոպիրկինը կանչվել է Հայաստանի արտգործնախարարություն։ Նրան ասել են, որ հանրապետության վարչապետ Նիկոլ Փաշինյանի մասին նախօրեին Առաջին ալիքով ցուցադրված ֆիլմը պարունակում է «վիրավորական և միանգամայն անընդունելի հայտարարություններ», Կոպիրկինին տրվել է բողոքի նոտա։

«Հոկտեմբերի 25-ին ՌԴ ԱԳՆ է կանչվել Մոսկվայում Հայաստանի դեսպանության ժամանակավոր հավատարմատարը, որին մատնացույց են արել Ռուսաստանի ղեկավարության, ռուս դիվանագետների և, ի դեպ, Ռուսաստանի խաղաղապահների հասցեին ուղղված ամենաօդիոզ հրապարակումները. խաղաղապահներ, ովքեր վտանգում և զոհաբերում են իրենց կյանքը, այդ թվում՝ հանուն Հայաստանի ժողովրդի անվտանգության: Մատնանշվել է հանրապետության տեղեկատվական տարածքում հակառուսական անսանձ արշավի անընդունելիությունը»,- նշել է դիվանագետը։

Զախարովան համոզված է, որ հայկական կողմը, ներառյալ լայն հասարակությունը, հասկանում է, թե ինչի մասին է խոսքը։