«Հույս ունենք առաջիկա ամիսներին Ադրբեջանի հետ խաղաղության պայմանագիր ստորագրել». Փաշինյան

«Ադրբեջանի հետ աշխատում ենք խաղաղության և հարաբերությունների կարգավորման պայմանագրի նախագծի վրա ու հույս ունեմ՝ գործընթացը հաջողությամբ կավարտվի մոտակա ամիսներին»,- Թբիլիսիում ընթացող «Մետաքսի ճանապարհ» միջազգային համաժողովի իր ելույթում ասաց ՀՀ վարչապետը: «Հարկ եմ համարում ներկայացնել նաև խաղաղության մյուս երկու կարևոր սկզբունքները, որոնց շուրջ համաձայնություն ենք ձեռք բերել Ադրբեջանի հետ: ՀՀ-ն ու Ադրբեջանը փոխադարձաբար ճանաչում են միմյանց տարածքային ամբողջականությունը՝ այն ընկալմամբ, որ ՀՀ տարածքը 29 հազար 800 քառ/կմ է, Ադրբեջանի տարածքը՝ 86 հազար 600: Հայաստանն ու Ադրբեջանը համաձայն են սահմանների դելիմիտացիա իրականացնել 1991-ի Ալմաթայի հռչակագրի հիման վրա»,- նշեց Փաշինյանը՝ հավելելով. «Հույս ունենք՝ այս սկզբունքների հիման վրա Ադրբեջանի հետ առաջիկա ամիսներին ստորագրել խաղաղության և հարաբերությունների հաստատման պայմանագիր»: