«Այսօր Եվլախում կտեսնենք մեր «անկախություն» իրական պատկերը». Արման Աբովյան

ԱԺ նախկին պատգամավոր Արման Աբովյանը ֆեյսբուքյան իր էջում գրել է. «2023 թվականի սեպտեմբերի 21-ը պետք է տոն լիներ ՝ Հայաստանի «Անկախության օրը»։
Կներեք, ինչ անկախության մասին է խոսքը, երբ հայկական իշխանությունը թշնամուն նվիրեց այն ամենը, ինչը տարածքը դարձնում է Պետություն, իսկ ժողովուրդը՝ Ազգ:
Ինչ անկախության մասին կարող է խոսք լինել, երբ թշնամին շնորհակալություն է հայտնում Հայաստանին, որ վերջինս չմիջամտեց, երբ նա ոչնչացնում էր Արցախը:
Ինչ անկախության մասին է խոսքը, երբ Հայաստանի իշխանությունը իր 120.000 քաղաքացիներին նետեց թուրքի երախը։
Ինչ անկախության մասին է խոսքը, երբ մենք ռուսներից, ամերիկացիներից, եվրոպացիներից, իրանցիներից պահանջում ենք «պաշտպանել» մեզ, իսկ ինքներս մատը մատին չենք ուզում խփել։
Ինչ անկախության մասին է խոսքը, երբ իշխանությունը կտոր-կտոր հանձնում է Հայաստանը։
Ինչ անկախության մասին կարող է խոսք լինել, երբ մեզ բոլորիս դարձրել են մեր իսկ երկրի ոչնչացման մասնակից։
Ինչ անկախության մասին կարող է խոսք լինել, երբ իշխանությունն իր գլխավոր ձեռքբերումը համարում է ասֆալտն ու «տնտեսության աճը», երբ նրա քաղաքացիներին իր անտարբեր հայացքի տակ սպանում են։
Այսօր Եվլախում մենք կտեսնենք մեր «անկախություն» իրական պատկերը»: