«Բազմաթիվ քաղաքացիների մարզային բնակության հասցեներից հանում ու գրանցում են Երևանում». Մենուա Սողոմոնյան

«Հայաքվե» դիտորդական առաքելությունն ամփոփել է նախընտրական քարոզարշավի ընտրախախտումները: Առաքելության շտաբի պետ Մենուա Սողոմոնյանն ասել է, որ Երևանի ավագանու ընտրություններին պետք է օգտագործել բոլոր հնարավորությունները՝ թույլ չտալու ժողովրդավարական գործընթացների բռնի անհետացումն ու իշխանության «ցեմենտման» համար հիմքերի ստեղծումը: «Մեր նախաձեռնության հիմնական թիրախը քվեարկության ընթացքն է ու ձայների ամփոփումը, որովհետև առկա են մտահոգիչ ազդանշաններ, որոնց թվում երկուսը կառանձնացնեի. մեկը, որ բազմաթիվ քաղաքացիների մարզային բնակության հասցեներից հանում ու գրանցում են Երևանում, մյուսը՝ գումարի, վարձատրության դիմաց գործունեություն իրականացնող բակային գործունյաները՝ տասովչիկները լծված են հավաքագրման ու ուղղորդման աշխատանքներում»,- նշել է Սողոմոնյանը: