Կանադայի վարչապետը 18 տարվա համատեղ կյանքից հետո ամուսնալուծվել է

Կանադայի վարչապետ Ջասթին Թրյուդոն հայտարարել է կնոջից՝ Սոֆի Գրեգուարից բաժանվելու մասին։ Նրանք ամուսնացած էին 18 տարի։
«Ես և Սոֆին ցանկանում ենք կիսվել այն փաստով, որ բազում բովանդակալից և բարդ զրույցներից հետո մենք որոշել ենք բաժանվել»,- ասել է նա Instagram-ի նրա էջում հրապարակված գրառման մեջ։

Թրյուդոն հստակեցրել է, որ իրենք կշարունակեն մնալ «մի սերտ ընտանիք՝ համակված խորը սիրով ու հարգանքով միմյանց և այն ամենի հանդեպ, ինչ մենք կառուցել և կառուցելու ենք»։

Ջասթին Թրյուդոն և Սոֆի Գրեգուարն ամուսնացել են 2005 թվականին և ունեն 3 երեխա։ Կանադայի Լիբերալ կուսակցության առաջնորդ Թրյուդոն վարչապետի պաշտոնը ստանձնել է 2015 թվականին՝ 43 տարեկան հասակում, ինչը նրան դարձրեց երկրի պատմության մեջ երկրորդ ամենաերիտասարդ վարչապետը։