Երևան`   +5 °C
Այսօր`   Երեքշաբթի, 19 մարտի, 2024 թ.

«Հենց սրանում է մեր ողբերգությունը». Բաբկեն Հարությունյան

216
Շաբաթ, 10 հունիսի, 2023 թ., 14:24
«Հենց սրանում է մեր ողբերգությունը». Բաբկեն Հարությունյան

«Հայրենիք» կուսակցության անդամ Բաբկեն Հարությունյանի գրառումը․ «GALLUP-ի վերջերս արած հարցման համաձայն՝ բնակչության 37 տոկոսն է ասել, թե մասնակցել 2018-ի հեղափոխություն-տեղափոխությանը։ Մինչդեռ 2018թ-ին հարցվածների 91 տոկոսն ասել է, որ մասնակցել է։
Հենց սրանում էլ թաքնված է մեր ողբերգությունը, երբ մարդիկ հրաժարվում են իրենց արածից, հրաժարվում են ընդունել, որ խաբվել են կամ ավելի ճիշտ՝ թույլ են տվել Նիկոլին իրենց խաբել։ Այսօր անցյալից հրաժարվելու փոխարեն, պետք է ժամանակին պահանջատեր լինեին, և վստահաբար, լիովին այլ վիճակում կլինեինք, ոչ թե իշխանության բացերը քննադատողներիս մեղադրեին, ոչ թե արդարացնեին իշխանության ամեն մի սխալ՝ ինքնամխիթարվելով, թե սրանց սխալները նախկինների արածների չափերին չէր հասել։ Հիմա հաակացա՞ք, որ կարճ ժամանակում սրանք հասան էլ, անցան էլ։ Հեշտ է հրաժարվել սեփական պատասխանատվությունից, պահանջատիրությունից, բայց դրանով հանգիստ և լավ ապրել չի ստացվում։
Ի դեպ՝ ինքնահրաժարման ախտով են տառապում ընդդիմադիր մի ստվար զանգված, որոնք նախկին տարբեր իշխանությունների ժամանակ էլ էին, գոնե, հրապարակային ընդդիմադիր դիրքերից հանդես գալիս, բայց այսօր մի բան էլ մեղադրում են սեփական անցյալից չհրաժարվողներին (որքան էլ որ դրանում սխալներ արած լինեն), իրենց հռչակում են Նիկոլին ամենաառաջինը ընդդիմադիր եղածներ և այլն։ Վերջում էլ թե՝ նախկին նիկոլական չի լինում, կգանք իշխանության հալներդ կտեսնեք...
Հետո էլ ուզում ենք երկիրը Երկիր դառնա»։