«Խելացի կառավարման արդյունքում կարող ենք վերականգնվել». Սեյրան Օհանյան

«Հայ ժողովուրդն ունի ներուժ. խելացի գործողությունների արդյունքում կարող ենք համախմբվել, վերականգնել մեր բանակը, բարձրացնել նրա մարտունակությունը, պայքարել մեր ինքնության համար: Այս իշխանություններն ասում են՝ մենք թույլ ենք, որովհետև իրենք չեն կարողանում ճիշտ գնահատել այսօրվա ռազմաքաղաքական իրավիճակը, ներքին ու արտաքին սպառնալիքները»,- այս մասին «Եռաբլուր» զինվորական պանթեոնում լրագրողների հետ ճեպազրույցի ժամանակ ասել է ՀՀ Պաշտպանության նախկին նախարար, ԱԺ «Հայաստան» խմբակցության պատգամավոր Սեյրան Օհանյանը: Նրա խոսքով՝ խելացի կառավարման արդյունքում շատ արագ կարող ենք վերականգնվել ու կազմակերպել մեր անվտանգությունը: