ԱԽ քարտուղարը՝ հայ-ադրբեջանական բանակցությունների մասին

Հաղթանակի զբոսայգում լրագրողների հետ ճեպազրույցի ժամանակ ՀՀ ԱԽ քարտուղար Արմեն Գրիգորյանն անդրադարձել է Վաշինգթոնում տեղի ունեցած հայ-ադրբեջանական բանակցությունների արդյունքներին. «Հայտնի սկզբունք կա բանակցություններում. քանի դեռ ամեն ինչ համաձայնեցված չէ, ոչ մի բան էլ դեռ համաձայնեցված չէ: Այս բանակցություններին այդ տեսանկյունից պետք է մոտենալ: Հա, կարող է որոշ հարցերում եղել է առաջընթաց, որոնք ամենահիմնարարը չեն, բայց բանակցություններն ընթացքի մեջ են. կիրակի հանդիպում է լինելու Բրյուսելում, որը շարունակվելու է Քիշնևում: Կփորձենք աշխատել այն ուղղությամբ, որ հնարավորինս մոտարկենք մոտեցումներն ու առաջ շարժվենք»,- ասել է պաշտոնյան՝ հավելելով, որ այս պահին վերջնական լուծում չկա: