«Տեղից վեր կացավ, ձեռքը խփեց սեղանին, մոտեցավ ինձ և հարվածեց». Վլադիմիր Վարդանյան

«Սովորաբար, Մհեր Սահակյանը որ գալիս է, նստում է նիստերի դահլիճի վերջում. էս պարագայում նա եկել էր, բավականին մոտ էր նստել»,- Առաջին ալիքի եթերում, ներկայացնելով օրերս ԱԺ-ում տեղի ունեցած միջադեպի մանրամասները՝ ասաց ԱԺ ՔՊ խմբակցության անդամ, պետաիրավական հարցերի հանձնաժողովի նախագահ Վլադիմիր Վարդանյանը:

Պետրոս Ղազարյանի հարցին՝ այսինքն՝ ի՞նքն է «եկել ձեզ վրա», Վ. Վարդանյանը պատասխանեց. «Միանաշանակ: Ես չեմ գնացել իր վրա. քայլ չեմ արել: Դեպքը տեղի է ունեցել այն հատվածում, որտեղ նստում է նախագահողը: Իմ ձեռքում որևիցե իր չի եղել, նա տեղից վեր կացավ, ձեռքը խփեց սեղանին, մոտեցավ ինձ և հարվածեց»,- ասաց Վլադիմիր Վարդանյանը: