Պուտինն ու Էրդողանը քննարկել են Ուկրաինայում տիրող իրավիճակը

Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը քննարկել են Ուկրաինայում տիրող իրավիճակը, այս մասին հայտնում է ТАСС-ը՝ հղում կատարելով Թուրքիայի ղեկավարի գրասենյակին։ Ըստ հրապարակման՝ Էրդողանը վստահեցրել է, որ Թուրքիան և Ռուսաստանը կարող են նոր քայլեր անել՝ Սոչիում համաձայնեցված տնտեսական համագործակցության հիման վրա: Էրդողանը նաև նշել է, որ Թուրքիան մեծ նշանակություն է տալիս բանակցությունների ճանապարհով Ռուսաստանի և Ուկրաինայի միջև հակամարտության շուտափույթ ավարտին: