Սպասվում է, որ Ադրբեջանը կբացի ցամաքային սահմանները

Ակնկալվում է, որ մայիսի 1-ին Ադրբեջանը կբացի երկրի ցամաքային սահմանները հարևան երկրների համար, այդ թվում՝ Վրաստանի, գրել է BusinessPressNews-ը:

Կորոնավիրուսի համաճարակի սկզբից ի վեր Ադրբեջանի ցամաքային սահմանները փակվել են։ Չնայած երկրում սահմանափակումները հանվել են, սակայն սահմանը շարունակում է փակ մնալ շուրջ 3 տարի։

Երկրում համաճարակաբանական իրավիճակը կայունացել է, և համաճարակը համարվում է ավարտված։ Կորոնավիրուսի հետ կապված սահմանափակումները երկրում ուժի մեջ են մինչև մայիսի 1-ը, ուստի սահմանի բացումը սպասվում է հենց այդ օրը։

Նախարարների կաբինետը՝ օպերատիվ շտաբի հետ միասին, առաջիկայում պաշտոնական որոշում կկայացնի այս հարցի վերաբերյալ։