«Ադրբեջանը օկուպացրել է ՀՀ տարածքը 2022-ին». Freedom House
Freedom House միջազգային իրավապաշտպան կազմակերպությունն իր տարեկան՝ «Ազատությունն աշխարհում-2023» զեկույցում անդրադարձել է նաև Հայաստանին ու Արցախին: Զեկույցի համաձայն՝ ստացված պաշտոնական հաղորդագրությունները ցույց են տալիս, որ Ադրբեջանը 2020թ. նոյեմբերի 9-ից հետո շարունակաբար խախտել է հրադադարը, պատերազմական հանցագործություններ իրականացրել, այդ թվում՝ գերիների նկատմամբ: Զեկույցում, մասնավորապես, նշվել է, որ 2022թ. սեպտեմբերին Ադրբեջանի ԶՈՒ-ն ներխուժել է ՀՀ տարածք. շուրջ 200 հայ զինվոր է զոհվել, ևս 293-ը՝ վիրավորվել, 20 զինծառայող ռազմագերու կարգավիճակում է: Իրավապաշտպան կազմակերպությունը նշում է, որ Ադրբեջանը զավթել է ՀՀ տարածքից Գորիս-Կապան ճանապարհի 21 կմ հատվածը՝ այդպիսով խախտելով բնակիչների ազատ տեղաշարժվելու իրավունքը, բացի այդ վտանգված է Սյունքի, Վայոց Ձորի, Գեղարքունիքի սահմանամերձ բնակիչների կյանքը, հարյուրավոր բնակիչներ տեղահանվել են: Նշվում է նաև, որ Ադրբեջանը շարունակում է օկուպացնել ՀՀ ինքնիշխան տարածքը՝ փորձելով ուժի սպառնալիքի կիրառմամբ վերահսկողության սահմանել ՀՀ նկատմամբ: Զեկույցում նաև նշվում է, որ Արցախում վտանգված է բնակիչների կյանքը. նրանք ֆիզիկական բռնության ենթարկվելու սպառնալիքի տակ են: Freedom House-ն ընդգծում է, որ Ադրբեջանի կողմից իրադրության սրման հետևանքով լայնամասշտաբ բախման վտանգը մեծացել է: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30