Երևան`   +6 °C
Այսօր`   Երեքշաբթի, 19 մարտի, 2024 թ.

«Միայն այս կերպ կարող ենք մեր պայքարը շարունակել». Հակոբ Հակոբյան

1050
Երեքշաբթի, 31 հունվարի, 2023 թ., 17:12
«Միայն այս կերպ կարող ենք մեր պայքարը շարունակել». Հակոբ Հակոբյան

Արցախի «Արդարություն» կուսակցության համանախագահ Հակոբ Հակոբյանը գրում է. «Հիսուն օրից ավել է՝ Արցախը պայքարում է բլոկադայի պայմաններում: Պայքարում է հանուն սեփական հողում ապրելու իրավունքի, հանուն հայկական պետականության, հանուն Հայաստանի Հանրապետության և Արցախի Հանրապետության լինելիության համար: Շատ կարևոր է, որ այսպիսի ծանր իրավիճակում մեր հասարակության մեջ տեղ չգտնեն բամբասանք, ամբիցիաներ, ինտրիգ, որոնք անիմաստ լարվածություն են ստեղծում: Այս իրավիճակում Արցախին հարկավոր է իրական խնամակալական քաղաքական կառավարում, որը կառուցողական, ալտրուիստական վերաբերմունք է սեփական հանրույթի նկատմամբ, երբ ընդհանուր ու սեփական բարեկեցությունը նույնն է համարվում: Գործնականում այս տարբերակն իր մեջ ներառում է իրական գաղափարական իմաստով սոցիալիզմին բնորոշ տարրեր: Միայն այս կերպ կարող ենք մեր պայքարը շարունակել, քանզի Հայաստանը և Արցախը գտնվում են ֆիզիկական ուղիղ սպառնալիքի տակ և մենք միայն մեկ ճանապարհ ունենք՝ Պայքարե՛լ»:

Աղբյուրը`   Հակոբ Հակոբյան