«Արցախից Երևան տեղափոխված երեք բուժառուների վիճակը կայուն է». Անահիտ Ավանեսյան

Կառավարության նիստից հետո լրագրողների հետ ճեպազրույցում ՀՀ առողջապահության նախարար Անահիտ Ավանեսյանը տեղեկացրել է, որ երեկ Արցախից Երևանի բժշկական կենտրոններ տեղափոխված երեք բուժառուների վիճակը գնահատվում է կայուն. «Իրականացվում են հետազոտություններ: Նրանք կստանան ամբողջական բժշկական օգնություն, բայց սա չի նշանակում, որ իրավիճակն ուղղվում է. նման ամեն օրն ավելի ու ավելի խորացնում է հումանիտար ճգնաժամը»։