«Ամենահեշտ բանը՝ ֆեյսբուքի առաջ քաղաքագիտական վերլուծություններ անելն է»․ Վահե Տեր-Մինասյան

«Տանը նստելն արդյունք չի տա, ամենահեշտ բանը՝ ֆեյսբուքի առաջ խորը քաղաքագիտական վերլուծություններ անելն է»,- ՄԱԿ-ի գրասենյակի դիմաց բողոքի ակցիայի ժամանակ ասաց բժիշկ Վահե Տեր-Մինասյանը։

«Մարդկանց էնքան են խաբել՝ նախկինը խաբել է, ներկան խաբել է, և մարդիկ ոչ մեկին չեն հավատում։ Նմանատիպ ակցիաները նպատակ ունեն արթնացնել մարդկանց հավատը, հույսը»,- ասաց բժիշկը՝ մեկնաբանելով մարդկանց պասիվությունը։

Հիշեցնենք, բժիշկներն այսօր բողոքի ակցիա են իրականացրել ՄԱԿ-ի հայաստանյան գրասենյակի դիմաց՝ պահանջելով հնարավորություն ստեղծել՝ աջակցություն ցուցաբերելու շրջափակման մեջ գտնվող արցախցիներին, որոնք բուժօգնության կարիք ունեն։