Պուտինը ստորագրել է ԼԳԲՏ քարոզչությունն արգելող օրենքը

Վլադիմիր Պուտինը օրենք է ստորագրել, որն արգելում է ոչ ավանդական սեռական հարաբերությունների, սեռափոխության և մանկապղծության քարոզչությունը։ Փոփոխություններ են կատարվել «Տեղեկատվության, տեղեկատվական տեխնոլոգիաների և տեղեկատվության պաշտպանության մասին» օրենքում և այլ փաստաթղթերում։

Ստորագրման մասին տեղեկատվությունը հայտնվել է Պետդումայի տվյալների բազայի իրավաբանական քարտում։ Փոփոխություններն արգելում են նման քարոզչությունը սոցիալական ցանցերում, լրատվամիջոցներում, ֆիլմերում և գովազդում։

Դաշնային խորհուրդը նոյեմբերի 30-ին հաստատել էր օրենքը, որն արգելում է ԼԳԲՏ քարոզչությունը, մանկապղծությունը և տեղեկությունը, որը կարող է սեռը փոխելու ցանկություն առաջացնել։ Այն ենթադրում է տուգանքների ներմուծում նմանատիպ իրավախախտման համար:

Նման տեղեկատվության տարածման համար ֆիզիկական անձանցից կարող է գանձվել 50,000-ից 400,000 ռուբլի, պաշտոնատար անձանց համար՝ մինչև 800,000 ռուբլի, իսկ իրավաբանական անձանց համար՝ մինչև 5 միլիոն ռուբլի:

Միևնույն ժամանակ, Ռոսկոմնադզորը իրավունք ունի մուտքագրել արգելված տեղեկատվությունը հատուկ գրանցամատյանում: Հրապարակումն ինքնին կարող է արգելափակվել։

Օրենքի կրկնակի խախտման դեպքում առաջարկվել է ավելացնել քրեական պատասխանատվություն: Սակայն այս նախաձեռնությունն աջակցություն չի ստացել: