«Ինչո՞ւ կառավարությունը չի կատարում ծառայողական մեքենաները կրճատելու խոստումը». Փայլակ Թադևոսյան

«Հարկատուների պաշտպանություն» ՀԿ ղեկավար Փայլակ Թադևոսյանը ֆեյսբուքյան իր էջում գրել է. «Ինչո՞ւ կառավարությունը չի կատարում ծառայողական մեքենաները կրճատելու խոստումը: 3 տարի առաջ, Ֆինանսների նախարարությունը, ոգևորված ծառայողական մեքենաների կրճատման կառավարության և վարչապետի կոչից, որոշեց հրաժարվել նախարարի տեղակալների համար հատկացված ծառայողական մեքենաներից: ՖՆ-ն, նման քայլի գնալով, ակնկալում էր, որ մյուս պետական մարմինները, տեսնելով ֆինանսավորողի նման քայլը, նույն մոտեցումը կցուցաբերեն: Սակայն, կարծես թե մյուս պետական մարմինները ոչ միայն նման քայլի չգնացին, այլ որոշների դեպքում թարմացվեցին և ավելացան ծառայողական մեքենաները:

Հ .Գ. Կոմֆորտի զգացումը հաղթե՞ց խոստմանը»: