«Թե զբոսաշրջություն ես ուզում զարգացնել, Սևանի ավազանի կոյուղաջրերի մաքրման կայանը սարքիր». Թամար Գալստյան

Բնապահպան Թամար Գալստյանը ֆեյսբուքյան իր էջում գրել է. «Թե զբոսաշրջություն ես ուզում զարգացնել (իսկապես ուզում ես), Սևանի ավազանի կոյուղաջրերի մաքրման կայանը սարքիր: 21-րդ դարում լճի շրջակայքի քաղաքների, գյուղերի, հյուրանոցների, ռեստորանների կոյուղաջրերն ուղիղ գծով հոսում են դեպի լիճ: Լիճն էլ կանաչում-կապտում-նեխում է:
Երկրի ճանապարհները սարքիր: Ում հարցնում ես, ասում են, թե ամենավատ ճանապարհները մեզ մոտ են:
Երկրով մեկ ժամանակակից զուգարաններ շարիր, որ ժամանած օտարերկրացին ճամփեզրի թփերի հետևը չմտնի կարիքները հոգալու համար:
Երկրի աղբը հավաքիր, որ գետինը չմտնենք աղբապատկերներից:
Երկրում կահավորված աղբանոցներ սարքիր, որ աղբը ձորերը չլցնեն: Որ հեռվից առաջինը քաղաքների շուրջ ծխացող աղբանոցները չտեսնեն էդ նույն տուրիստները:
Կենդանիների համար հստակ սահմաններով արոտավայրեր նախագծեք, որ համ կենդանին արածի, համ էլ վայրի բնությունը պահպանվի:
Ո՞ր մեկն ասեմ... Ուր նայում ես՝ ինչ որ բան էն չի»: