Երևան`   -7 °C
Այսօր`   Շաբաթ, 29 հունվարի, 2022 թ.

«ՀԾԿՀ-ն չի բացառում, որ փետրվարից ՀՀ-ում կրկին կբարձրանան էլեկտրաէներգիայի սակագները». Վահե Դավթյան

2255
Հինգշաբթի, 02 դեկտեմբերի, 2021 թ., 12:12
«ՀԾԿՀ-ն չի բացառում, որ փետրվարից ՀՀ-ում կրկին կբարձրանան էլեկտրաէներգիայի սակագները». Վահե Դավթյան

ՀԿ նախագահ, էներգետիկ անվտանգության փորձագետ Վահե Դավթյանի գրառումը. «ՀԾԿՀ-ն չի բացառում, որ 2022թ. փետրվարից Հայաստանում կրկին կբարձրանան էլեկտրաէներգիայի սակագները՝ պատճառաբանելով այդ սպառնալիքը Հրազդանի ՋԷԿ-ի 5-րդ էներգաբլոկի անժամկետ կանգնեցմամբ:

Մինչդեռ «Հրազդան»-ի կանգնեցումը ոչ թե խնդրի պատճառն է, այլ երկրում տիրող էներգետիկ ճգնաժամի հետևանքը: Ձախողելով էլեկտրաէներգիայի արտահանման ռազմավարությունը, մասնավորապես՝ Իրան-Հայաստան էլեկտրահաղորդման 3-րդ օդային գծի կառուցման աշխատանքները՝ դիլետանտների կառավարությունն այլ ելք չթողեց երկրի խոշորագույն էներգետիկ օբյեկտի սեփականատիրոջը, որն այլևս նպատակահարմար չի համարում դրա հետագա շահագործումն ու ներդրումների իրականացումը:

Ինչ վերաբերում է ԱԷԿ-ի մոդեռնիզացման նպատակով ներգրավված վարկի մարման արդյունքում գոյացած բեռին, ապա այն ևս պայմանավորված է ա) այդ աշխատանքների գրաֆիկի խախտմամբ ու բ) կրկին էներգետիկ համակարգի անարդյունավետ կառավարմամբ:

Հերթական անգամ համոզվում ենք, որ Հայաստանում իսպառ բացակայում է անվտանգային կառավարումը»:

Աղբյուրը`   Վահե Դավթյան