«ԵՊՀ-ում ընթանում է հոգաբարձուների խորհրդի նիստ, որն ապօրինի է». Մենուա Սողոմոնյան

ԵՊՀ դասախոս Մենուա Սողոմոնյանը ֆեյսբուքյան իր էջում գրում է. «ԵՊՀ-ում ընթանում է հոգաբարձուների խորհրդի նիստ, որը ապօրինի է:

Վարչական վերաքննիչ դատարանը վերացրեց վարչական դատարանի՝ հայցադիմումի ընդունումը մերժելու մասին որոշումը, ինչը նշանակում է, որ իմ կողմից ներկայացված դիմումը համարվում է ընդունված, իսկ ԵՊՀ կանոնադրության փոփոխություններ նախատեսող ՀՀ կառավարության որոշման գործողությունը՝ կասեցված: Այս պահից սկսած Հովհաննես Հովհաննիսյանի պաշտոնավարումը որպես ռեկտորի ժ/պ անօրինական է, ավելին՝ վերջինս նույնիսկ չունի այդ պաշտոնում առաջադրվելու իրավունք։ Անօրինական է նաև ԵՊՀ հոգաբարձուների խորհրդի ձևավորումը և այս պահին ընթացող նիստը»: