«Հայաստանը չունեցավ մի առաջնորդ, որ դժվար որոշում կայացնող լինի». Արշալույս Մղդեսյան

«Մեդիա կենտրոն» ծրագրի խմբագիր-համակարգող Արշալույս Մղդեսյանը ֆեյսբուքյան իր էջում գրել է. «Հայաստանը չունեցավ մի առաջնորդ, որ դժվար որոշում կայացնող լինի։ Հաստատակամ պրոֆեսիոնալների թիմով որոշի էս պետության համար մի քանի կարևոր ոլորտ ու զարգացնի դրանք։
Նայում եմ 2022-ի բյուջեն, ծախսերն ավելացվել են, դա լավ է։ Բայց շարժվում ենք գոյատևման տրամաբանության մեջ։ Մի քիչ ավելի լավ կգոյատևենք, բայց թռիչք երբեք չենք կատարի։ Կրթության մեջ գումարներ ենք դնում 30 տարի է, կասեք ինչ «օտդաչա» ենք ստացել։ Դրված գուրմարներն էլ մի բան չեն, բայց էլի ոչ արդյունավետ են ծախսվում։
Մեր գրեթե բոլոր կառավարությունները գնացել ու գնալու են ծակեր փակելու տրամաբանությամբ, մենակ դժգոհություններ չլինեն, կտրուկ քայլեր չանեն։
Մենք չենք տեսել ու երևի չենք տեսնի քայլեր, երբ կառավարությունը կասի Պոլիտեխնիկը ձրի տալիս եմ MIT-ին, կֆինանասավորեմ որքան պետք է, մենակ էդ համալսարանը Հայաստանում ուղեղներ արտադրի։ Նույնը մյուս բուհերի ու կրթական տարածքների մասով կարելի է մտածել ու անել։ Ներդնել իրենց մենեջմենթը, աշխատելաոճն ու չափանիշները։ Բերել իրենց դասախոսներին, տնօրեններին և այլն։ Բայց անել, ոչ թե խոսել, խոսել ու խոսել...
Հայաստանը փոքր շուկա է, բայց համացանցն ու իկոմերսը մեծ հնարավորություններ են տալիս մեր նման երկրներին։ Բայց հլա փորձեք Հայաստանում IT-ի կոմպոնենտով մի բան արտադրել ու արտահանել, կտեսնեք ինչ գեմառոյ ա։ Սկսած փաստաթղթավորումից մինչև ՀայՓոստի գներ։ Ստեղ ականջումս զրնգում են բոլոր պաշտոնյաների՝ ՏՏ-ն գերակա ոլորտ է խոսքերը։ Խոսքեր, խոսքեր, խոսքեր...
Արդեն կան մարդիկ, որ ուզում են Հայաստանից իրենց արտադրությունը հանեն դուրս, քանի որ պետությունն էս հարցում ևս առաջնորդվում է ոչինչ չանելու սկզբունքով։ Եթե Հայաստանում ուզում ես ի կոմերս զարգացնել, փեյփալ ես բերում, Հայփոստի սակագներն իջեցնում, ֆինանսական ինֆրաստրուկտուրան դզում ու էլի շատ ոչ պոպուլյար բաներ։
Ոչինչ չանելը կամ աշխատանքի բուռն իմիտացիան բնորոշ է բոլոր կառավարություններին։ Ընկերս լավ խոսք ունի։ Ասում է՝ մեր պաշտոնյաները դեպի վերև են աշխատում, ոչ թե դեպի ներքև։ Կարևորը շեֆն ասի ամեն բան լավ է, թե ինչ կմտածի բիզնեսը, ստեղծողը՝ թքած»: