Երևան`   +5 °C
Այսօր`   Կիրակի, 28 նոյեմբերի, 2021 թ.

««Գազային բանակցությունների» միակ արդյունքն ու հայաստանյան էներգետիկ դիվանագիտության ողջ թշվառությունը». Վահե Դավթյան

407
Չորեքշաբթի, 20 հոկտեմբերի, 2021 թ., 21:00
««Գազային բանակցությունների» միակ արդյունքն ու հայաստանյան էներգետիկ դիվանագիտության ողջ թշվառությունը». Վահե Դավթյան

«Մեկ Հայաստան» կուսակցության քաղխորհրդի անդամ Վահե Դավթյանի գրառումը. «Այսպիսով, որպես սահմանին գազի գնի պահպանման գլխավոր պայման՝ «Գազպրոմը» առանձնացնում է իր հայաստանյան դուստր-ընկերության ներքին եկամտաբերության նորմի ապահովումը 9%-ի չափով, ինչպես նաև Հրազդանի ՋԷԿ-ի 5-րդ էներգաբլոկի եկամտաբերության ապահովումը:
Թե՛ առաջին, թե՛ երկրորդ պայմանը հնարավոր է ապահովել առավելապես գազի ներքին սակագների բարձրացման միջոցով:
9%-ի ապահովման համար 2020-ի գարնանը «Գազպրոմ Արմենիան» դիմեց ՀԾԿՀ, ինչի արդյունքում սակագները միջինում աճեցին 5-6%-ով: Հաշվի առնելով ընկերության ներդրումային ծրագիրը՝ նման զուսպ բարձրացումը չէր կարող հարց լուծել: Հիշեցնեմ, որ նույն ապրիլյան հայտի շրջանակներում առաջարկվում էր առանձին սպառողների համար գինը բարձրացնել շուրջ 30%-ով: Գազի սակագինը բարձրացավ նաև 10 հազ. խմ-ից ավել սպառող բաժանորդների համար, որոնցից են նաև ՋԷԿ-երը, այդ թվում՝ Հրազդան-5-ը, որը և կանգնեցվեց ս.թ. ապրլին՝ ելնելով սակագների աճից ու կայանի մոդեռնիզացման համար ներդրումների անհրաժեշտությունից:
Առաջին հայացքից կարող է թվալ, որ հայտնվել ենք փակ օղակի ներսում, որում գլխավոր դերակատարը հենց «Գազպրոմն» է: Սակայն կա մեկ այլ, շատ ավելի լուրջ խնդիր, այն է՝ Իրան-Հայաստան էլեկտրահաղորդման 3-րդ օդային գծի կառուցման ձախողումը: Կլիներ գիծը՝ կլիներ արտահանման ավելացման հնարավորություն: Կլիներ արտահանում՝ «Հրազդան-5»-ը կարող էր չկանգնեցվեր՝ հաշվի առնելով նաև հարցի գեոտնտեսական կողմը:
Սա է «գազային բանակցությունների»՝ առայժմ միակ արդյունքը: Սա է հայաստանյան էներգետիկ դիվանագիտության ողջ թշվառությունը»:

Աղբյուրը`   Վահե Դավթյան