Երևան`   +21 °C
Այսօր`   Ուրբաթ, 26 հունիսի, 2026 թ.

Մանկապարտեզների համար հանվել է երեխաների թվի սահմանափակումը

495
Ուրբաթ, 07 մայիսի, 2021 թ., 17:28
Մանկապարտեզների համար հանվել է երեխաների թվի սահմանափակումը

Փոփոխվել են կորոնավիրուսային հիվանդության (COVID-19) տարածման կանխարգելման նպատակով հանրակրթական և նախադպրոցական ծրագրեր իրականացնող ուսումնական հաստատություններում կիրառվող սանիտարական կանոնները։ Այս մասին տեղեկացնում է ՀՀ առողջապահության նախարարությունը։
Մասնավորապես, նախադպրոցական ծրագրեր իրականացնող ուսումնական հաստատությունների համար հանվել է երեխաների թվի սահմանափակումը և երեխաների խնամքի և կրթության գործընթացը պետք է կազմակերպվի՝ ապահովելով խաղալու, պարապմունքների, սննդի և քնի ժամանակ երեխաների միջև սոցիալական հեռավորություն և սանիտարական կանոնների պահանջները։ Ինչպես նաև ուժը կորցրած է ճանաչվել այն դրույթը, համաձայն որի՝ անհրաժեշտ էր ձեռնպահ մնալ լրացուցիչ ընդունելություն կազմակերպելուց։