Պոզներին Թբիլիսիում տուգանել են

Վրաստանի ՆԳՆ-ը տուգանել է 32 մարդու, այդ թվում՝ հեռուստալրագրող Վլադիմիր Պոզներին՝ կորոնավիրուսային սահմանափակումների խախտման համար, հայտնել են գերատեսչությունից:

Չորեքշաբթի Թբիլիսիում բողոքի ակցիաներ են կազմակերպվել լրագրող Պոզների այցի պատճառով, ով ժամանել էր Վրաստանի մայրաքաղաք՝ ծննդյան օրը նշելու համար:

Վրաստանում գործում են կորոնավիրուսային որոշ սահմանափակումներ, որոնց թվում են՝ պարետային ժամը և մարդաշատ միջոցառումների, այդ թվում՝ խնջույքների և հարսանիքների անցկացման սահմանափակումները: Պարետային ժամի խախտման համար սահմանված է 2 հազար լարի (մոտ 600 դոլար) տուգանք:

Վրաստանի ՆԳՆ-ից լրագրողներին հայտնել են, որ գիշերը տուգանվածների թվում է նաև Վլադիմիր Պոզները: