#Facebook-ը հավելված կստեղծի նախկին բանտարկյալների համար

Աշխարհի խոշորագույն սոցիալական ցանցը՝ Facebook-ը, նախկին բանտարկյալների համար հավելված է մշակում, որպեսզի նրանց օգնի ինտեգրվել հասարակությանը, հաղորդում է Bloomberg գործակալությունը:

Գործակալությունը նշում է, որ The Re-Entry հավելվածի գովազդը հրապարակվել է Instagram-ում:
Ծանուցման մեջ օգնություն է առաջարկվում՝ «համայնքի աջակցությամբ՝ բանտից հետո կյանքի նախապատրաստման» համար, օգտատերերին առաջարկվել է հավելվածի վաղ հասանելիություն: Սակայն ավելի ուշ այն հեռացվել է։
«Մենք փնտրում ենք, մեր հավելվածներում մարգինալացված խմբերի խնդիրները լուծելու տարբեր ուղիներ։ Դա նախատեսված էր միայն ներքին թեստավորման համար, և մենք հեռացրել ենք ծանուցումը, երբ իմացել ենք, որ այն որոշ ժամանակ աշխատել է արտաքին հասանելիության համար»,-պարզաբանել է Facebook-ի ներկայացուցիչը:
The Re-Entry հավելվածը սոցիալական անպաշտպան խմբերի համար արտադրանք ստեղծելու՝ Facebook-ի արշավի մի մասն է: