«Իմ հրաժարականի հարցը չի քննարկվում». Արայիկ Հարությունյան

Այսօր ԱԺ ճեպազրույցում, լրագրողների հարցին, թե տեսնո՞ւմ է թերություններ, որ կարող է իր հրաժարականը պահանջելու պատճառ լիներ, ԿԳՄՍ նախարար Արայիկ Հարությունյանը պատասխանել է. «Երբ 2018 թվականին քննարկում էր գնում այն մասին, թե ինչ բարեփոխումներ են տեղի ունենալու մեր ոլորտում, ես առիթ եմ ունեցել ասելու, որ ոլորտում շատ ցավոտ և ծանր բարեփոխումներ են լինելու, որովհետև ակնհայտ էր բոլորիս համար, որ կրթական, այդ թվում մշակույթի և սպորտի ոլորտում այն համակարգերը, որոնք գործում են, մեծ դժգոհությունների տեղիք են տալիս եւ այդտեղ պետք է բարեփոխումներ տեղի ունենան: Ասել եմ, որ այդ բարեփոխումները վերաբերելու են շատ մեծ թվով շահառուների խմբի, և բնականաբար, լինելու են դժգոհություններ»:

Նախարարը նշել է, որ իր հրաժարականի հարցը չի քննարկվում և այն պահաջողների պահանջներին ու գործողություններին ըմբռնումով է վերաբերվում: