ԱՄՆ-ը ռեկորդ է սահմանել ոսկու ներկրման ցուցանիշով
![]() Երկու ամիս անընդմեջ ֆինանսական և ապրանքային շուկաներում քաոս է՝ կորոնավիրուսի համավարակի պատճառով: Տուժած շուկաներից մեկն էլ թանկարժեք մետաղների շուկան է, մասնավորապես՝ ոսկին: Սփոթային շուկայում (անհապաղ առաքման ենթակա ապրանքների վաճառք) և ֆյուչերսային պայմանագրերում տեղի են ունեցել ռեկորդային անհամապատասխանություններ։ Ավելի վաղ ԶԼՄ-ները հայտնում էին, որ ոսկու հանքարդյունաբերության որոշ ձեռնարկությունների փակումը, այդ թվում՝ Շվեյցարիայում, ինչպես նաև կորոնավիրուսի համաճարակի պատճառով սահմանների փակումը հանգեցրել է ոսկու դեֆիցիտի: Թրեյդերներն ի վիճակի չէին ոսկու ձուլակտորներ գնել, ուստի նրանք ձեռք էին բերում թղթի վրա ֆիքսված պայմանագրեր: Սակայն շատերն ավելի խորամանկ գտնվեցին: Նրանք ոսկի են գնել սփոթային արժեքով այնտեղ, որտեղ հնարավոր է եղել, միաժամանակ ֆյուչերսները վաճառել բորսաներում։ Նման խորամանկ քայլը հնարավորություն է տվել թանկարժեք մետաղը մատակարարել մոտ մեկ ամսվա ընթացքում: Այս սպեկուլյատիվ գործողությունները՝ համավարակի բռնկման համատեքստում և ոսկու իրական դեֆիցիտի պայմաններում, հանգեցրել է նրան, որ Միացյալ Նահանգներ ոսկու ներմուծումը սահմանել է բոլոր հնարավոր և անհավանական ռեկորդները: ԱՀԿ-ի կողմից կորոնավիրուսի համաճարակի մասին հայտարարվել է մարտի 11-ին: Իսկ արդեն մայիսի վերջին COMEX-ում ոսկու պաշարները ավելացել են առնվազն 550 տոննայով: Վերլուծաբանների կարծիքով՝ այս ծավալը հավասար է ոսկու համաշխարհային արտադրության մեկ տարվա ծավալների հետ: Դոլարային հաշվարկով այն կազմում է գրեթե 30 միլիարդ դոլար։ |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
