ԱՄՆ-ում, որպես կորոնավիրուսի բուժամիջոց, հաստատել են Էբոլայի դեմ դեղամիջոցի կիրառումը
![]() ԱՄՆ Սննդամթերքի և դեղորայքի որակի վերահսկողության վարչությունը (FDA) հավանություն է տվել երկրում Ռեմդեսիվիր՝ (կոդ GS-5734) հակավիրուսային դեղամիջոցին, որը համարվում է Էբոլա վիրուսի դեմ հաջողված դեղամիջոց։ Այն օգտագործվել է Էբոլայի համաճարակի բուժման ժամանակ, որը սկսվել էր 2015 թվականին: Այս մասին հայտնել է վարչության մամուլի ծառայությունը: ԱՄՆ Ալերգիայի և վարակիչ հիվանդությունների ազգային ինստիտուտի տնօրեն Էնթոնի Ֆաուչին ապրիլի 29-ին հայտարարել էր Ռեմդեսիվիրի կլինիկական հաջող փորձարկումների մասին: «Տվյալները ցույց են տալիս, որ Ռեմդեսիվիրն ունի հստակ, նշանակալի դրական ազդեցություն՝ արագացնելով վերականգնումը»,- հայտնել է Ֆաուչին՝ նկատի ունենալով ուսումնասիրության արդյունքները: Կարգավորող մարմինը նշում է, որ COVID-19-ի բուժման գործում Ռեմդեսիվիրի օգտագործման փաստաթերթերը պետք է հասանելի լինեն բժշկական անձնակազմերին և հիվանդներին: Նրանք նաև պարտավոր են տեղեկացնել դեղաչափի, հնարավոր կողմնակի ազդեցությունների և այլ դեղամիջոցների հետ համատեղելիության մասին: Ըստ մասնագետների՝ Ռեմդեսիվիր դեղամիջոցը կրճատում է ապաքինման ժամանակը՝ 15 օրից հասցնելով 11-ի: |

Պոմպեյում հնագետները հայտնաբերել են շուրջ 2000 տարի փակ մնացած պահարան՝ անձնական իրերով
10917:13
Հնագետները հայտնաբերել են Հոմերոսի «Իլիականի» հերոսներից մեկի գերեզմանը
10717:01
Starship-ն առաջին անգամ վերադարձել է մեկնարկային հարթակ՝ բռնվելով մեխանիկական «ձեռքեր»-մանիպուլյատորներով (լուսանկար, տեսանյութ)
90616.11.2026, 01:19
Հնագետներն Իսպանիայում հին հռոմեական արդյունաբերական մասշտաբի գինեգործության հետքեր են հայտնաբերել
44415.11.2026, 17:01
Հնագետները 5000 տարվա ութ հաց են հայտնաբերել, որոնք հրաշքով փրկվել են հրդեհից
51515.11.2026, 16:25
ԴՆԹ-ի վերլուծությունը բացահայտել է հին Իսպանիայում թաղված երկու մարդկանց միջև ազգակցական կապը
46908.11.2026, 18:49
