Աշխարհում #COVID_19 կորոնավիրուսով վարակվածների թիվը գերազանցել է 292 հազարը․ #РБК

Առողջապահության համաշխարհային կազմակերպության տվյալների համաձայն՝ մարտի 23-ի դրությամբ, հայտնաբերվել է ավելի քան 292,000 վարակակիր, գրում է РБК-ն։
Հաստատված դեպքերի թվով առաջատարը, ըստ SCMP-ի, շարունակում է մնալ Չինաստանը (81 093), Իտալիան զբաղեցնում է երկրորդ հորիզոնականը (59 138), ԱՄՆ-ն՝ երրորդը (32 057), որտեղ հայտնաբերված վարակակիրների թիվը գերազանցում է Իսպանիայում վարակվածների թվին (28 572): Կորոնավիրուսից մահերի թվով առաջատարն Իտալիան է (5476), ապա Չինաստանը (3270) և Իսպանիան (1756):

Ընդհանուր առմամբ, աշխարհում կորոնավիրուսից, ըստ SCMP-ի տվյալների, մահացել է 14 595 մարդ, ըստ ԱՀԿ-ի՝ 12 794 մարդ:

Աշխարհի առնվազն 35 լաբորատորիա փորձում է կորոնավիրուսի դեմ պատվաստանյութ ստեղծել: Նախորդ շաբաթվա ընթացքում մի քանի լաբորատորիա հայտարարել են կլինիկական փորձարկումներ սկսելու ծրագրերի մասին:

Կորոնավիրուսից մահվան առաջին դեպքերը գրանցվել են Չեխիայում և Չեռնոգորիայի տարածքում:
Սիրիայում գրանցվել է կորոնավիրուսի վարակի առաջին դեպքը: