Էստոնիայում, Լատվիայում և ԱՄՆ-ի 24 նահանգներում հայտարարվել է արտակարգ դրություն

Նյու Յորքի քաղաքապետ Բիլ դե Բլազիոն քաղաքում կորոնավիրուսի տարածման հետ կապված արտակարգ դրություն է հայտարարել:

Ըստ քաղաքապետի՝ ներկայումս քաղաքում վարակակիր է 95 մարդ: Նա նշել է, որ 29 մարդ գտնվում է պարտադիր կարանտինում, 1784 մարդ կարանտինում է կամավոր հիմունքներով, հայտնում է Интерфакс-ը։

Էստոնիան և Լատվիան արտակարգ դրություն են հայտարարել՝ կապված SARS-CoV-2 կորոնավիրուսի տարածման հետ: Այն ուժի ուժի մեջ է մտնում մարտի 13-ից, գրել է Delfi-ն։ Արտակարգ դրությունն Էստոնիայում կտևի մինչև 2020 թվականի մայիսի 1-ը, Լատվիայում՝ մինչև ապրիլի 14-ը, և այն կարող է երկարաձգվել Բալթյան երկրների կառավարությունների որոշմամբ:
Բուլղարիայի կառավարությունն առաջարկում է երկրում արտակարգ դրություն հայտարարել՝ կորոնավիրուսի տարածման ֆոնին: Այս մասին այսօր հայտարարել է վարչապետ Բոյկո Բորիսովը, հայտնում է Kanal 3-ը: Ավելի վաղ՝ ԱՄՆ 24 նահանգներում արտակարգ դրություն էր սահմանվել կորոնավիրուսի պատճառով։