Երևան`   +9 °C
Այսօր`   Երեքշաբթի, 17 նոյեմբերի, 2026 թ.

«Պետք է լինել իրատես այս իրավիճակում և չտարվել քաղաքական «տրնգիով»». Արման Աբովյան

385
Շաբաթ, 14 մարտի, 2020 թ., 09:05
«Պետք է լինել իրատես այս իրավիճակում և չտարվել քաղաքական «տրնգիով»». Արման Աբովյան

«Բարգավաճ Հայաստան» խմբակցության պատգամավոր Արման Աբովյանը գրել է. «Միջազգային տնտեսական ճգնաժամը նոր-նոր մտնում է ակտիվ փուլ։ Արդեն մի քանի օր է, ինչ հիմնական միջազգային ֆինանսական ինստիտուտները և բորսաներն ուղղակի գլորվում են գրողի ծոցը։ Օրինակ՝ երեկ ամերիկյան բորսաները փակեցին համարյա 9 տոկոս անկման ցուցանիշներ, ինչը վերջին անգամ եղել է 1987-ին։

Ռուսական ռուբլին, կարծես թե, չունի միտում վերադառնալու նախաճգնաժամային ցուցանիշներին՝ տատանվելով 70-75 ռուբլի մեկ դոլարի դիմաց արժեքով։ Փակվում են սահմանները, պետությունները փաստացի անցնում են կառավարման արտակարգ ռեժիմի։
Հիմա մենք ի՞նչ անենք... Համոզված եմ, որ նվազագույնը չի կարելի թերագնահատել տնտեսական վտանգները և արագ, շատ արագ, չափազանց արագ ձևավորել արտակարգ արձագանքման (կառավարման) մեխանիզմներ, երբ այս միջազգային տնտեսական բոլոլան կհասնի մեզ:

Պետք է, ի վերջո, լինել իրատես այս իրավիճակում և չտարվել քաղաքական «տրնգիով»։ Եթե տնտեսական ճգնաժամը մեզ հասնի, և մենք լինենք անպատրաստ, ապա ճգնաժամը չի խնայի ո՛չ սևերին, ո՛չ էլ սպիտակներին: Բոլորին հավասար կցխի»։