Երևան`   +9 °C
Այսօր`   Երկուշաբթի, 30 մարտի, 2020 թ.

Գոշի անտառում ծառեր են հատվել. «Բնապահպանի տունն» ահազանգում է

194
Երկուշաբթի, 17 փետրվարի, 2020 թ., 18:05
Գոշի անտառում ծառեր են հատվել. «Բնապահպանի տունն» ահազանգում է

«Բնապահպանի տուն» նախաձեռնությունը սոցկայքի իր էջում ահազանգում է. «Գոշ գյուղի համայնքային տարածքի անտառում ծառեր են կտրվել։ Հենց դեպի Պարզ լիճ գնացող տուրիստական ճանապարհի վերևում։ Գտել ենք ստուգայցի ժամանակ։
Այս ժամանակներում, երբ ամբողջ աշխարհը գոռում է միլիոնավոր ծառերի տնկման անհրաժեշտության մասին, մենք դեռ ծառ ենք կտրում։
Կհանդիպենք գյուղապետի հետ, կպահանջենք, որ գտնեն ու պատժեն մեղավորին։
ՀՀ շրջակա միջավայրի նախարարություն, այս տարածքը գտնվում է հենց ձեր անմիջական հսկողության ներքո։ Խնդրում ենք քայլեր ձեռնարկել։ Եթե բանը հասել է նրան, որ հենց հայտնի տուրիստական երթուղու կողքին են սկսել կտրել, ուրեմն շարունակությունը շատ ավելի վատ է լինելու»։