««Նորֆոլկ Քոնսալթինգ» ընկերության սխեմայի փլուզմից հետո նոր տնտեսվարողներ են հայտնվել». ՊԵԿ նախագահի տեղակալ
![]() ՊԵԿ նախագահի տեղակալ Շուշանիկ Ներսիսյանը փետրվարի 14-ին լրագրողների հետ հանդիպմանն ասաց, որ նոր տնտեսվարողների թվի աճ է արձանագրվել: 2018թ. կեսերից մինչ այսօր դրանց թիվը 5500-ից հասել է 12 200-ի: Աճը պայմանավորված է «Նորֆոլկ Քոնսալթինգ» ընկերության սխեմայի փլուզմամբ: Հիշեցնենք, որ դեռևս 2018թ., այդ ընկերությունը հայտնվել էր քննչական մարմինների դիտակետում: Ըստ ՀՀ ազգային անվտանգության ծառայության՝ փոքր և միջին ձեռնարկատիրությամբ զբաղվող քաղաքացիներին պատկանող բեռների տեղափոխման և մաքսազերծման բիզնեսը թվով 9 այսպես կոչված «կարգո» ընկերություններից վերցնելու և մեկ՝ մենաշնորհային դիրք զբաղեցնող ընկերությունում այն կենտրոնացնելու նպատակով Միացյալ Թագավորությունում՝ Շոտլանդիայում (նախնական տվյալներով՝ օֆշորային գոտում), գրանցված «Նորֆոլկ Փրոջեկտ ԼՓ» ՍՊ ընկերության կողմից 2017 թվականի հունիսին ՀՀ-ում հիմնադրվել էր «Նորֆոլկ Քոնսալթինգ» ՍՊ ընկերությունը, որի գլխավոր տնօրեն էր նշանակվել ՀՀ քաղաքացի Արմեն Ունանյանը: Այնուհետև, ՀՀ ՊԵԿ բարձրաստիճան պաշտոնյաները, «Նորֆոլկ Քոնսալթինգ» ՍՊ ընկերության գլխավոր տնօրենին ներկայացնելով նշված «կարգո» ընկերությունների ղեկավարներին, հայտնել էին, որ Թուրքիայից, Չինաստանից և Արաբական Միացյալ Էմիրություններից բեռնատարներով տեղափոխվող հավաքական բեռները պետք է մաքսազերծվեին բացառապես «Նորֆոլկ Քոնսալթինգ» ՍՊ ընկերության միջոցով: Փաստի առթիվ քրեական գործ էր հարուցվել, ընկերությունն էլ լուծարվել էր: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
