«Թող ասեն՝ ինչո՞ւ նոր ՀԴՄ չեն կարողանում ապահովել, հետո նոր խոսեն». Սուրեն Պարսյան
![]() «Երկնիշ տնտեսական աճին հասնելու համար պետք են որոշակի հիմքեր: Դրա համար անհրաժեշտ են ներդրումներ: Չունենք այդպիսի խոշորածավալ ներդրումների նախագծեր կամ ակնկալիքներ, հետևաբար այս պահին չենք կարող երկնիշ ցուցանիշի հասնել՝ գոնե 2020 թվականի համար». փետրվարի 4-ին լրագրողների հետ հանդիպմանն ասել է տնտեսագետ Սուրեն Պարսյանը՝ ի պատասխան այն հարցի, թե իրատեսական համարո՞ւմ է երկնիշ տնտեսական աճը: Նա հիշեցրեց միջազգային տնտեսական կառույցների՝ ՀԲ-ի, ԱՄՀ-ի կանխատեսումները, որոնց համաձայն՝ ՀՀ-ում 2020թ. տնտեսական աճը կլինի 5-7 տոկոս, այսինքն՝ այդ կառույցներն էլ չեն տեսնում թռիչքաձև աճի տեմպերը: Ըստ տնտեսագետի՝ ինքնանպատակ երկնիշ տնտեսական աճ դնելն անիմաստ է, որովհետև այդ աճը կարող են ապահովել օրինակ՝ շահումով խաղերը, որը տնտեսական ազդեցություն չի ապահովի: Ս. Պարսյանը նաև պնդեց, որ պետք չէ ֆետիշացնել ՀԴՄ-ների տրամադրումը: «10 հազարից ավելի տնտեսվարողներ նոր ՀԴՄ-ներ չեն ստացել: Այն տնտեսվարողները, ովքեր նոր են շուկա մտնում, հին ՀԴՄ-ներով են գործում: Կառավարության ներկայացուցիչները թող պատասխանեն, թե ինչու մեկ տարուց ավելի է՝ չեն կարողանում ապահովել նոր սերնդի ՀԴՄ-ներ, հետո նոր խոսեն ՀԴՄ տպագրելու մասին»,- նշեց տնտեսագետը: |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
