Երևան`   +6 °C
Այսօր`   Երեքշաբթի, 17 նոյեմբերի, 2026 թ.

«Պահանջում ենք վերագործարկել «Նաիրիտ»-ը». նախկին աշխատակիցներ

660
Ուրբաթ, 31 հունվարի, 2020 թ., 14:45
«Պահանջում ենք վերագործարկել «Նաիրիտ»-ը». նախկին աշխատակիցներ

«Էս հինգ տարվա մեջ չենք կարողանում վերևներին հասկացնել, որ «Նաիրիտ»-ը ՀՀ տնտեսության ողնաշարն ա, չի կարելի վերացնել, փոշիացնել: Մենք որ աշխատենք, քիչ եկամուտը կամաց-կամաց կավելացնենք: Մեր տված արտադրանքով քանի՜ գործարան էր աշխատում: Պետք է մի քիչ հեռուն նայել»,- ասում էին Կառավարության շենքի մոտ «Նաիրիտ»-ի վերագործարկումը պահանջող գործարանի նախկին աշխատակիցները:

«Պահանջում ենք, որ «Նաիրիտ»-ից այլևս որևէ բան չվաճառվի կամ գողացվի, երկրորդ՝ անվտանգության ծախսերն այս պահին թողնված են գործարանի վրա, բայց քանի որ չի աշխատում, ստիպված է ինքն իրեն վաճառել ու ծախսերը հոգալ: Երրորդ՝ որպեսզի պետությունն իր վրա վերցնի ծախսերն այնքան ժամանակ, քանի դեռ չեն գտնվել ներդրողներ»,- հավելեցին նաիրիտցիները: