Ավստրալիայում անտառային հրդեհների մաշտաբը՝ տիեզերքից․ #BusinessInsider

Ավստրալիայի հարավ-արևելքում անտառային հրդեհներն այնքան են տարածվել, որ արբանյակից արված լուսանկարը ցույց է տալիս, որ հրդեհից բարձրացած ծուխը տարածվել է Նոր Զելանդիայի մակերեսին: Լուսանկարն արվել է նախօրեին՝ ճապոնական Himawari-8 արբանյակի միջոցով, գրում է Business Insider կայքը:

Himawari-8 արբանյակը գործարկվել է 2014-ի հոկտեմբերին: Այժմ այն գտնվում է Ավստրալիայի ուղղությամբ՝ Երկրից մոտ 35 հազար կմ բարձրության վրա: Արբանյակն ամեն տասը րոպեի ընթացքում իրական ժամանակում մեկ լուսանկար է ուղարկում Երկիր մոլորակ։