«502 կմ ճանապարհ կկառուցենք 2020-ի բյուջեով». Սուրեն Պապիկյան
![]() «Ունենք ուղղություններ, որոնք առավել արդյունավետ են, ունենք ուղղություններ, որտեղ դրվել են լավ նախադրյալներ, ակնկալում ենք դրանց պտուղները 2020-21 թվականներին: Կարծում եմ՝ ընդհանուր տարին հաջողված էր»,- Factor TV-ի եթերում ասել է ՀՀ տարածքային կառավարման և ենթակառուցվածքների նախարար Սուրեն Պապիկյանը: Նրա խոսքով՝ ճանապարհաշինությունն այն առարկայական ձեռքբերումներից է, որը հանրության համար շատ ավելի տեսանելի է. «Այս տարի մենք մեր առջև խնդիր ունեինք դրած՝ ապահովել 330 կմ հանրապետական նշանակության ճանապարհ, և մենք կարողացանք ոչ միայն լուծել այդ խնդիրը, այլև մի փոքր գերակատարել, և այս պահի դրությամբ մենք արդեն իսկ ունենք ավարտված 360 կմ ճանապարհ ամբողջ հանրապետությունում: Դրան գումարած՝ նաև սուբվենցիոն ծրագրերով կատարված աշխատանքներ, որոնք միասին, մենք կարող ենք արձանագրել, որ առնվազն 450 կմ ճանապարհ ունենք այս տարի կառուցված»,- ասել է նախարարը: Պապիկյանը նշել է, որ ճանապարհաշինությունը հիմնականում բյուջեի հաշվին է եղել. «Իհարկե, այնտեղ ունենք նաև վարկային միջոցներ: Խոսքը կենսական ճանապարհաշինության մասին է, և մնացած հատվածն արդեն բյուջեի հատկացումներն են, և հավելյալ հատկացումներ են հիմնականում: Այսինքն՝ դրանք ավելին են, քան հատկացվել էր նախորդ տարվա բյուջեով: Մի մասն էլ, որ վերաբերում է սուբվենցիաներին, համայնքների հետ համատեղ համաֆինանսավորվող ծրագիր է»,- ընդգծել է նախարարը: 2020 թվականի բյուջեով նախարարությունը նախատեսում է կառուցել 502 կմ հանրապետական նշանակության ճանապարհներ, որոնց մեջ չեն մտնում սուբվենցիոն ծրագրերը: Մանրամասները՝ տեսանյութում:
|

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
