«Այլմոլորակային բա՞ն պետք է լիներ, որ նոր երևան եկած հանգամանք համարեին». Նազելի Վարդանյանը՝ Ամուլսարի հայցի մերժման մասին
ՀՀ վարչական դատարանը նոյեմբերի 14-ի նիստում մերժել է Ջերմուկ համայնքի բնակիչների հայցը՝ ընդդեմ Շրջակա միջավայրի նախարար Էրիկ Գրիգորյանի: Հայցադիմումում Ջերմուկի բնակիչները խնդրել են պարտավորեցնել նախարարին՝ ուժը կորցրած ճանաչել Ամուլսարի հանքավայրի հանքարդյունահանման համալիրի փոփոխված նախագծի շրջակա միջավայրի վրա ազդեցության պետական փորձաքննական ԲՓ 35 եզրակացությունը և ՀՀ բնապահպանության նախարարի կողմից դրա հաստատումը: Բնակիչների շահերի պաշտպան Նազելի Վարդանյանը MAMUL.am-ի թղթակցի հետ զրույցում ասաց, որ հայցը մերժվել է օրենքի սխալ մեկնաբանմամբ: «Շրջակա միջավայրի վրա ազդեցության գնահատման և փորձաքննության մասին» օրենքի համաձայն՝ փորձաքննական դրական եզրակացությունն ուժը կորցրած է ճանաչվում, եթե եզրակացություն տալուց հետո ի հայտ են գալիս էկոլոգիական նոր գործոններ: Փաստաբանն ասաց, որ դատարանին էր ներկայացրել բազում փաստարկներ, սակայն դրանք դատարանը հաշվի չի առել: «Նոր երևան եկած գործոն ասվածը, ըստ օրենքի, նշանակում է, որ փորձաքննության ընթացքում դրանք հաշվի չեն առնվել, չեն ներկայացվել, ընդհանրապես փորձաքննություն չի անցկացվել: Հիմա դատարանը մեկնաբանել է, որ դրանք ընդհանրապես պետք է գոյություն ունեցած չլինեին: Ես չգիտեմ՝ ինչ-որ այլմոլորակային բա՞ն պետք է լիներ, որ նոր երևան եկած հանգամանք համարեին: Ոչ մի նորմալ իրավաբան օրենքը կարդալով նման ձևով չի հասկանա: Օրենքը չի գրվում, որ ընդհանրապես չգործի: Հիմա նոր օրենք են ընդունելու, ու կստացվի, որ այս օրենքի գործունեության ընթացքում նման երևույթ ընդհանրապես չի եղել ու չի էլ լինելու. այսինքն՝ երկրաշարժ պետք է լինի, ճեղքվածք առաջանա, կամ՝ փոթորիկ: Նման կանխավարկածով օրենք չեն գրում, օրենքը գրվել է նրա համար, որ բոլոր գործոնների պարագայում պետք է փորձաքննության անցկացում ու գնահատում արվի: Եվ այն դեպքում, երբ փորձաքննություն չի անցկացվել, օբյեկտիվ կամ սուբյեկտիվ պատճառներով փորձաքննության ընթացքում այդ գործոնները նախկինում չեն եղել, հիմա ի հայտ են եկել, այդ հիմքով էլ պետք է տրված եզրակացությունն ուժը կորցրած ճանաչվի»,- ասաց փաստաբանը: Ըստ Ն. Վարդանյանի՝ այդ դրույթը հնարել է «Լիդիանը» և համոզել, որ օրենքն այդկերպ պետք է մեկնաբանվի: Ջերմուկցիների շահերի պաշտպանն ասաց, որ վճիռը բողոքարկելու է վերաքննիչ վարչական դատարանում՝ օրենքով սահմանված մեկամսյա ժամկետում: |
ԵՄ-ն կողմ է Ռուսաստանի և Իրանի դեմ նոր պատժամիջոցների կիրառմանը
29818.04.2024, 22:48«Խորհրդային վագոններով Դիլիջանում տուրիզմ են զարգացնում»․ Ոսկան Սարգսյան
45317.04.2024, 16:36«Մերձավոր Արևելքում էսկալացիայի խորացումը վտանգավոր է Հայաստանի համար». Վահե Դավթյան
105615.04.2024, 20:36«Ղազախստանը պատրաստ է ՀՀ ապրանքների արտահանման ծավալը հասցնել 350 մլն դոլարի»․ Տոկաև
112315.04.2024, 12:18ՀՀ բանկերի բոլոր ավանդները՝ մեկ էջում․ ԱՎԱՆԴ․am
113415.04.2024, 11:48Սուքիասյանի և Հակոբյանի հետ կապվող ՍՊԸ-ն 1 մլն դոլարով Ծաղկաձորում հողամաս է գնել (տեսանյութ)
85815.04.2024, 11:30