«Երկիր Ծիրանի»-ն հայտարարություն է տարածել
![]() «Երկիր Ծիրանի» կուսակցությունը հաղորդագրություն է տարածել, որում ասվում է. «2018-ի ապրիլ-մայիս ամիսների իրադարձություններից հետո, առաջին անգամ լայն հանրությունը և կառավարությունը բախվում են համակարգային՝ հեղափոխական որոշման ընդունման հարցին: Լայն հանրության և կառավարության օրակարգում է Ամուլսարի հանքի շահագործման կամ դադարեցման հարցը: Այս հարցի լուծումն իր մեջ ներառում է համակարգային խնդիրներ: Լայն հանրությունը և ազդակիր համայնքը՝ ՀՀ Վայոց Ձորի մարզի Ջերմուկի, Գնդեվազի և Կեչուտի բնակիչները դեմ են արտահայտվում Ամուլսարի հանքի շահագործմանը: ՀՀ կառավարությունը, ունենալով հիմնավոր փաստեր և փաստարկներ, դեռ հապաղում է վերջնական ոչ ասելու Ամուլսարի հանքի շահագործմանը: Ամուլսարի հարցը այն իրական ջրբաժանն է, որ հայոց պետականությունում կարող է կտրել ավտորիտար ռեժիմի կապն իշխանության հետ, որը կարող է հարուցել խորը ժողովրդավարական գործընթաց հանրություն-իշխանություն հարաբերություններում և ձևակերպել անկախ տնտեսական քաղաքականություն, որը չի հիմնվում հանքաարդյունաբերության գերակայության վրա: Ամուլսարի շահագործման գործարքն ակնհայտ կոռուպցիոն գործարք է: Այս գործարքի կողմերից են նախկին իշխանությունը՝ ի դեմս ՀՀ նախագահ Սերժ Սարգսյանի և ներկայիս իշխանությունը՝ ի դեմս ՀՀ նախագահ Արմեն Սարգսյանի: Արմեն Սարգսյանը, «Լիդիան» ընկերությունում իր կողմից զբաղեցրած պաշտոնի և լիազորություններ ունենալու վերաբերյալ, առ այն, որ նա հանդիսացել է լայն լիազորություններով և իրավասություններով տնօրեն, ով ունեցել է «Լիդիան» ընկերությունում բաժնետերերի ժողովում որոշում կայացնելու իրավունք՝ թաքցրել է: Արմեն Սարգսյանը, ով ՀՀ նախագահի պաշտոնն ստանձնել է օրենքի խախտմամբ՝ իր քաղաքացիության հետ կապված հարցով լայն հանրության առջև թափանցիկ պարզաբանմամբ հանդես չի եկել: Այդ խնդիրը նախկինում հետապնդողը՝ Նիկոլ Փաշինյանը, նույնպես հանրությանը ապացույցներ չի ներկայացրել: Նիկոլ Փաշինյանը միայն պարզաբանել է, որ նա հանդիպել է Արմեն Սարգսյանին և տեսել է ինչ-որ փասատթուղթ: Այն որ Ամուլսարի շահագործման թույլտվությունը տեղի է ունեցել կոռուպցիոն գործարքի հետևանքով ակնհայտ է և անվիճելի, այն որ այդ գործարքը պետք է դառնա իրավապահ մարմինների կողմից քննության առարկա այլ կարծիք չկա: Անհասկանալին և տարակուսանք առաջացնող իրողությունն այն է, որ իրեն հեղափոխական հռչակած Նիկոլ Փաշինյանը, լայն հանրությանը հուզող այս հարցի քննարկումը խուսափեց անցկացնել բաց քննարկման ընթացակարգով, դրժեց խոստումը գնալ Ջերմուկ և հենց այնտեղ անցկացնել քննարկում, նախընտրեց հանդիպումն անցկացնել բռնապետության խորհրդանիշ հանդիսացող Բաղրամյան 26-ում, փակ դռների պայմաններում և նախընտրեց Բաղրամյան պողոտան կրկին դարձնել բռնության գործադրման տեղի: ՀՀ վարչապետ Նիկոլ Փաշինյանի կողմից նման վարքագծի դրսևորման շարունակությունը կփաստի, որ նա ևս ստանձնում է այս կոռուպցիոն գործարքի կողմ լինելու կարգավիճակը և համալրում է նախորդ բռնապետերի շարքերը: Բռնապետական խորհրադանիշների և գործիքների կիրառմամբ իշխանություն բանեցնելը, կենսական նշանակության հարցի վերաբերյալ մեկ ու կես ժամ, որպես «Լիդիան» ընկերության բաժնետեր և փաստաբան մենախոսելը, ազգի և պետության համար Ամուլսարի հանքի բացման աղետի անտեսումը փաստում է իրեն հեղափոխական հռչակած, իբրև ոչ բռնի, թավշյա, ոչ գունավոր հեղափոխություն իրականացրած ՀՀ վարչապետ Նիկոլ Փաշինյանի առաջին քննության ձախողման մասին: Ճանաչելով Նիկոլ Փաշինյանին հասկանում եմ՝ նրա սիրտը «Լիդիան» ընկերության բաժնետոմսերում է: Ճանաչելով հայ ազգին գիտեմ՝ մեր սիրտը լեռներում է»: |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
