Կառավարությունը Ամուլսարի եզրակացությունը կստանա եկող շաբաթ
![]() Այսօր կառավարության նիստում օրակարգային հարցերին անցնելուց առաջ ՀՀ Քննչական կոմիտեի նախագահ Հայկ Գրիգորյանը պատասխանեց Ամուլսարի հանքավայրում փորձագիտական եզրակացության վերաբերյալ ՀՀ վարչապետ Նիկոլ Փաշինյանի հարցադրումներին: Ն. Փաշինյանին հետաքրքրում էր, թե ի՞նչ փուլում է անկախ փորձագիտական խմբի եզրակացությունը, որպեսզի կառավարությունը կարողանա հետագայում նախանշել իր անելիքները: Քննչական կոմիտեի նախագահը հիշեցրեց, որ Քննչական կոմիտեի և «Էլարտ» ընկերության հետ պայմանավորվածություն էր ձեռք բերվել փորձագիտական եզրակացությունը ստանալ մայիսի 31-ին: Մայիսի 15-ին ընթացիկ հաշվետվությամբ արձանագրվել է, որ չկա որևէ փաստաթղթային բաց՝ փորձաքննությունը կատարելու և նախնական եզրակացությունը նախանշված ժամկետում ներկայացնելու համար: Փաստաթղթի թարգմանությունը օգոստոսի 7-ի առավոտյան է հանձնվել Քննչական կոմիտեին։ Ա. Գրիգորյանը վարչապետից ժամանակ խնդրեց վերջնական սրբագրումների համար և խոստացավ մինչև օգոստոսի 13-ը այն ներկայացնել կառավարությանը։ Նշենք, որ «Էլարտ» ընկերությունն իրականացրել է ջրային ռեսուրսների, կենսաբազմազանության, օդի որակի վրա ազդեցության գնահատում: Իսկ նախնական եզրակացությունը բաղկացած է 341 թերթից: |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
