Հատուկ ջոկատայինները գրոհել են Ղրղզստանի նախկին նախագահ Ատամբաևի առանձնատունն ու ձերբակալել նրան

Ղրղզստանի նախկին նախագահ Ալմազբեկ Ատամբաևի կողմնակիցները հայտնել են, որ հատուկ ջոկատայինները գրոհել են քաղաքական գործչի առանձնատուն և ձերբակալել են նրան, փոխանցում է РИА Новости-ն:

«Հրաձգություն սկսվեց, ուժայինները նրան բռնեցին և ինչ-որ տեղ տարան»,- հայտնել են Ատամբաևի կողմնակիցները: Նշվում է, որ միջադեպի հետևանqով կան վիրավորներ:

Ձերբակալության պատճառն այն էր, որ նա 3 անգամ հրաժարվել է որպես վկա ներկայանալ հարցաքննության՝ քրեական հեղինակություն Ազիզ Բատուկաևի անօրինական ազատ արձակման գործով:

Գործողությունների մեկնարկից առաջ նա իջել էր Քոյ-Տաշում գտնվող իր տան երկրորդ հարկից, ողջունել աջակիցներին, գրոհի սկսվելուն պես՝ հեռացել տեսադաշտից: