Երևան`   +2 °C
Այսօր`   Հինգշաբթի, 05 դեկտեմբերի, 2019 թ.

«Պետական ապարատի մի զգալի հատված մասնակցություն է ունեցել Մարտի 1-ի դեպքերին». Արթուր Դավթյան

152
Չորեքշաբթի, 19 հունիսի, 2019 թ., 16:35
«Պետական ապարատի մի զգալի հատված մասնակցություն է ունեցել Մարտի 1-ի դեպքերին». Արթուր Դավթյան

ՀՀ վերաքննիչ քրեական դատարանում Ռոբերտ Քոչարյանի և մյուսների գործով բողոքների քննության ժամանակ ՀՀ գլխավոր դատախազ Արթուր Դավթյանը նշեց. «Զավեշտալի ենք համարում, որ գործն, ըստ էության, քննության համար վարույթ ընդունած դատավորը, ձեռքի տակ ունենալով ողջ գործի նյութերը, իր որոշման մեջ կրավորական կերպով արձանագրում է այն հիմնավոր կասկածի առնչությամբ նախկին դատարանների դիրքորոշումները: Մեր գնահատմամբ՝ սա ոչ այլ ինչ է, քան տվյալ գործով արդարադատություն իրականացնելուց խուսափելու միտում»:

Դավթյանն անդրադարձել է նաև Քոչարյանին առաջադրված կաշառքի դրվագին՝ ասելով, որ առաջին ատյանի դատարանը հաշվի չի առել, որ, օրինակ, Քոչարյանի որդու բանկային հաշիվներին մեծ գումարների մուտք է եղել:

«Ինչպես կարող էր արդարադատությանը հակված դատավորի մոտ պարզաբանման անհրաժեշտություն չառաջանալ, թե գրեթե ողջ կյանքում պետական պաշտոն զբաղեցնելու պայմաններում, ընդ որում, այնպիսի պաշտոն, որպիսիք բացառել են օրենքով ձեռնարկատիրական գործունեություն ծավալելը, 2007 թվականից սկսած՝ երկու տարում մեղադրյալի 26-ամյա որդու բանկային հաշիվներին շուրջ 18 միլիոն ԱՄՆ դոլարին համարժեք դրամի և արտաժույթների մուտքերի հանգամանքը»,- հայտարարեց նա:

Դավթյանի խոսքով՝ պետական ապարատի մի զգալի հատված մասնակցություն է ունեցել Մարտի 1-ի դեպքերին։