Երևան`   +6 °C
Այսօր`   Չորեքշաբթի, 18 նոյեմբերի, 2026 թ.

«2 մլն դրամ տուգանք՝ վարկ տրամադրող ԿԲ լիցենզիա չունեցող անձանց». Մ. Թանդիլյան

202
Չորեքշաբթի, 05 հունիսի, 2019 թ., 18:30
«2 մլն դրամ տուգանք՝ վարկ տրամադրող ԿԲ լիցենզիա չունեցող անձանց». Մ. Թանդիլյան

ԱԺ «Լուսավոր Հայաստան» խմբակցության պատգամավոր, ֆինանսավարկային և բյուջետային հարցերի մշտական հանձնաժողովի նախագահ Մանե Թանդիլյանը սոցկայքի իր էջում գրել է. «Ազգային ժողովը երկրորդ ընթերցմամբ և ամբողջությամբ ընդունեց Վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին օրենքը, համաձայն որի 2 մլն դրամ (կրկնվելու դեպքում՝ 4 մլն դրամ) տուգանք է սահմանվում այն անձանց համար, ովքեր, չունենալով ԿԲ լիցենզիա, գովազդում են վարկի տրամադրման ծառայություններ:

Կոչ եմ անում բոլորին՝ վարկ ստանալու համար դիմել բացառապես ԿԲ լիցենզիա ունեցող բանկերին և վարկային կազմակերպություններին և զերծ մնալ այլ անձանց միջոցով վարկ ստանալու առաջարկներից՝ դրանց համար վճարելով անհիմն միջնորդավճարներ:

Միևնույն ժամանակ, իմ ուշադրության կենտրոնում են նաև բանկերի և վարկային կազմակերպությունների կողմից տրամադրող վարկերի ժամանակ քաղաքացիների շահերի պաշտպանությունը, որի մասով օրենսդրական փոփոխություններն ընթացքում են»։