«Ուկրաինացիներն առանց վիզայի կարող են այցելել 133 երկիր, ռուսները՝ 117». Պորոշենկո

Ուկրաինացիները, առանց վիզայի, կարող են այցելել 133 երկիր, ռուսները՝ 117: Ուկրաինայի նախագահական ընտրություններում պարտված Պետրո Պորոշենկոն սա համարում է ուկրիանական անձնագրի առավելությունը ռուսականի նկատմամբ: Այս մասին նա գրել է Facebook-ում:

«Ընդհանուր առմամբ, Ուկրաինայի անձնագիրն ազատ մուտք է գործում աշխարհի 133 երկիր: Ես հպարտ եմ, որ մենք ամրապնդեցինք ուկրաինական քաղաքացիության կարգավիճակը»,- գրել է Պորոշենկոն:

Passport Index-ի տվյալների համաձայն, ուկրաինացիների համար հասանելի և ռուսաստանցիների համար անհասանելի երկրների շարքում են՝ Շվեդիան, Շվեյցարիան, Պորտուգալիան, Լեհաստանը, Նորվեգիան, Նիդերլանդները, Մոնակոն, Մալթան և այլ երկրներ: Այս մասին հաղորդում է РБК-ն:

2017թ. Ուկրաինան և ԵՄ-ն առանց վիզայի ռեժիմի վերաբերյալ համաձայնագիր էին կնքել:

Ռուսաստանի քաղաքացիներն, ի տարբերություն ուկրաինացիների, առանց վիզայի, ազատ կարող են մուտք գործել Բահամյան կղզիներ, Կոլումբիա, Գամբիա, Ֆիլիպիններ, Հարավային Կորեա, Վիետնամ և Վենեսուելա: