Երկու տարի առաջ ԱՄՆ-ն փորձել է Վենեսուելայի բանակը Մադուրոյի դեմ հանել. AP

Երկու տարի առաջ Նիկոլաս Մադուրոյի մտերիմներից մեկը ԱՄՆ-ից օգնություն է խնդրել, բայց մերժվել է:

2017թ. մայիսին Վենեսուելայում նախագահական գվարդիայի ղեկավար, գեներալ Իվան Էրնանդեսն ԱՄՆ նախագահին դիմել էր իր ընտանիքի անդամներին վիզա տրամադրելու խնդրանքով, որպեսզի իր 3-ամյա որդին նահանգներում բուժում ստանա: Թրամփի վարչակազմը հրաժարվել էր օգնել նրան: Այս մասին հաղորդում է Associated Press-ը:

Էրնանդեսը ցանկացել է իր որդու գլխի վիրահատության կատարման նպատակով Բոսթոն ուղարկել: Սպիտակ տունը մի շարք բանավեճերից հետո, որոշում է մերժել «կոռումպացված և ոճրագործ» Վենեսուելայի պետական համակարգի ներկայացուցչին:

Այդ նույն ընթացքում ԱՄՆ ազգային անվտանգության հարցերով խորհրդական Ջոն Բոլթոնը դիմել է Վենեսուելայի պաշտպանության նախարար Վլադիմիր Պադրինոյին և Գերագույն դատարանի ներկայացուցիչ Մայքլ Մորենոյին, ինչպես նաև Էրնանդեսին՝ առաջարկելով անցնել ընդդիմության շարքերը: Ռազմական վերնախավը որոշել է հավատարիմ մնալ Մադուրոյին:

Փաստորեն, երկու տարի առաջ ԱՄՆ-ն փորձել է Վենեսուելայի բանակին Մադուրոյի դեմ հանել, հավելում է AP-ը: