«Անկեղծ ասած, խղճում եմ այդ տղային»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը․ «Մայր Աթոռի տարածքից դուրս գալիս չնկատեցի, որ անցնում եմ հայրենիքն ու հավատն ուրացածների խմբակի միջով: Հանկարծ դիմացս ելավ չինովնիկի դեմքով մի մարդ ու կիսախավարի մեջ հարցրեց, թե որտեղ է իրենց ավտոբուսը։
Հասկացա, որ ենթադրաբար դպրոցի վարժապետ է կամ մանկապարտեզի պահակ, Նիկոլի զոռով բերած մարդկանցից է։ Ասացի, որ իրենց ավտոբուսից չեմ ու մինչ կփորձեի առաջ քայլել, այս մարդը Գավառի բարբառով շարունակեց արդեն հայհոյանքով խոսել իրենց բերածների մասին, թե հավաքել բերել են, բայց ավտոբուսը չկա, իրենք չգիտեն, թե ուր պիտի գնան։
Մի քանի քայլ այն կողմ նկատեցի Գեղարքունիքի մարզպետին, որը աստիճանների վրա կանգնած՝ իր շուրջը պտտվող առանձնյակների հետ բերանն էր բացել։ Մի պահ մեր հայացքները հանդիպեցին։ Կարծում եմ, ինքը հասկացավ, թե ես իրեն ինչ էի ասում այդ հայացքով։ Անկեղծ ասած, խղճում եմ ես այդ տղային։ Շատ եմ խղճում։
Օրը կգա, բոլոր այդ ուրացողները օրենքի առաջ պատասխան կտան, թե ինչպես կարողացան սուլել, երբ Մայր Տաճարում հնչում էր «Հայր Մեր»-ը։
Օրը կգա, և այդ օրը շատ մոտ է»։