Նստացույց՝ ՔԿ-ի դիմաց

Քննչական կոմիտեի դիմաց բողոքի ակցիա իրականացնող, ֆինանսական խարդախությունների զոհ դարձած քաղաքացիները նստացույց են հայտարարել։ «Կարճ քննարկում ունեցանք ՔԿ կիբերանվտանգության վարչության պետի հետ, ունենք խոստումներ՝ գումարի վերադարձի հետ կապված, սակայն չունենք հստակ ժամկետներ։ Մենք այստեղից չենք գնալու և այս պահից սկսած հայտարում ենք նստացույց՝ մինչև աշխատանքային ժամի ավարտը»,- լրագրողների հետ զրույցում ասել է «Հանրային վերահսկողություն» ՀԿ նախագահ, ակցիայի կազմակերպիչ Մհեր Կարագոզյանը։ Նա նշել է նաև, որ ակցիաները շարունակելու են այնքան ժամանակ, մինչև գումարների վերադարձման հստակ օր ու ժամկետ չնշվի։