Երեխաները ժամեր շարունակ խաղացել են բժիշկների կողմից լքված դիակի կողքին

Սանկտ Պետերբուրգի Կիրովսկի շրջանում բժիշկները հանգուցյալ տղամարդու դին թողել են բակերից մեկի նստարանին ու հեռացել: Դիակի կողքին ավելի քան 3 ժամ խաղացել են երեխաները, գրում է «Պետերբուրգյան օրագիր»-ը: Տեղի ունեցածի տեսագրությունը հայտնվել է համացանցում:

Ըստ ականատեսների՝ ժամանած բժիշկներն արձանագրել են տղամարդու մահը, նրան սպիտակ կտորով փաթաթել ու հեռացել: Սակայն հատուկ ծառայությունները չեն կարողացել ժամանակին այն տանել, և դին ժամերով մնացել է փողոցում: