Մաքսիմ Մանուկյանը պարտություն կրեց

Բուխարեստում ընթացող ըմբշամարտի Եվրոպայի առաջնության շրջանակներում այսօր գորգ դուրս եկան 55, 63, 77, 87 և 130 կգ քաշային ըմբիշները: 87 կգ քաշային կարգում աշխարհի և Եվրոպայի չեմպիոն Մաքսիմ Մանուկյանը պայքարն սկսեց որակավորման փուլից, որտեղ 5։0 հաշվով հաղթեց Ֆինլանդիան ներկայացնող Հեիկի Հերման Մեթսոմաեկին: 1/8 եզրափակչում Մաքսիմը 8։0 հաշվով հաղթեց Ռումինացի Յոնուտ Կարասին, սակայն 1/4 եզրափակչում 1:6 հաշվով ցավալի պարտություն կրեց ադրբեջանցի Իսլամ Աբբասովից։ Եթե վերջինս դուրս գա եզրափակիչ, Մաքսիմը կպայքարի բրոնզե մեդալի համար։